సాదె రాజు సేవలకు మురిసిన పెరిక సమాజం

అచ్చంపేట కు చెందిన ప్రముఖ విద్యావేత్త, సంఘ సేవకులు శ్రీ సాదే రాజు చేస్తున్న కృషి అభినందనీయం. పంచాయతీ రాజ్ శాఖలో గ్రూప్ 2 ఉద్యోగం వస్తే, కొంతకాలం పనిచేసి రాజీనామా చేసిన రాజు హైదరాబాద్ లో సివిల్స్, గ్రూప్స్ కోచింగ్ సెంటర్ నడుపుతున్నారు. రియల్ ఎస్టేట్, హోటల్ బిజినెస్ లో కూడా ఉన్నారు. ఉన్న ఊరికి, పుట్టిన కులానికి సేవ చేయాలనే ఉద్దేశ్యంతో పలు సేవా కార్యక్రమాలు నిర్వహిస్తున్నారు. గ్రామంలోని ఉట్ల కోనేరును పునరుద్ధరించారు. దీని కోసం దాదాపు 15 లక్షల రూపాయలు వెచ్చించారు. గ్రామంలోని పాఠశాలలో 10 లక్షల రూపాయలు వెచ్చించి మౌలిక సదుపాయాలు కల్పించారు. పెరిక భవన్ లో 10 లక్షల రూపాయలు ఖర్చు చేసి మౌలిక వసతులు, ఫర్మిచర్ ఏర్పాటు చేశారు. ఇంకా గ్రామంలో లైబ్రరీ నెలకొల్పడానికి, విద్యార్థులకు ఉచితంగా కోచింగ్ ఇవ్వడానికి ప్రయత్నాలు చేస్తున్నారు. రాజు  గారిని పెరిక సంఘం రాష్ట్ర, జిల్లా నాయకులు ఘనంగా సన్మానించారు. అచ్చంపేట లో దేవాలయ పునరుద్ధరణకు, స్కూల్ అభివృద్ధికి, పెరిక భవన్ లో మౌలిక వసతులు కల్పించేందుకు దాదాపు 35 లక్షల రూపాయలు వెచ్చించిన సాదె రాజు గారిని నాయకులు అభినందించారు.

పెరిక కుల దాన కర్ణుడు సాదె రాజు

కోకాపేట భవవానికి 5 లక్షల విరాళం

రూ. 70 లక్షలతో గ్రామానికి, కులానికి సేవ

40 మంది చెంచు పిల్లలను దత్తత తీసుకున్న ఉత్తముడు

పెరిక కుల దానకర్ణుడు, ఉమ్మడి మహబూబ్ నగర్ జిల్లా అచ్చంపేటకు చెందిన పెరిక కుల ముద్దుబిడ్డ సాదె రాజు గారు మరోసారి తన దాతృత్వాన్ని చాటుకున్నారు. కోకాపేటలో నిర్మిస్తున్న పెరిక కుల ఆత్మగౌరవ భవనానికి తన మాతృమూర్తి సాదె పార్వతమ్మ గారి పేరు మీద 5 లక్షల రూపాయల ప్రకటించారు. ఇందులో మొదటి విడతగా లక్ష రూపాయలను శుక్రవారం ఇందిరాపార్కు వద్ద గల తన కార్యాలయంలో పెరిక కుల సంఘం రాష్ట్ర అధ్యక్షుడు గటిక విజయ్ కుమార్ గారికి అందించారు. ఈ కార్యక్రమంలో రాష్ట్ర సంఘం ప్రధాన కార్యదర్శి దొంగరి మనోహర్ గారు, పెరిక విద్యార్థి వసతి గృహం ప్రధాన కార్యదర్శి అచ్చా రఘు కుమార్ గారు, ప్రముఖ న్యాయవాది అక్కల తిరుపతి వర్మ గారు పాల్గొన్నారు. రాష్ట్ర నాయకులను తన కార్యాలయానికి మద్యాహ్న భోజనానికి ఆహ్వానించి మరీ విరాళం అందించారు. ప్రస్తుతమిచ్చే 5 లక్షల విరాళంతో పాటు భవిష్యత్తులో మరింత సాయం అందిస్తానని, తన మిత్రులతోకూడా సాయం చేపిస్తానని సాదె రాజు ప్రకటించారు.

అచ్చంపేటకు చెందిన సాదె రాజు గారు గ్రూప్ 2 ఉద్యోగానికి స్వచ్ఛందంగా రాజీనామా చేసి హైదరాబాద్ లో న్యాయవాదిగా స్థిరపడ్డారు.సివిల్స్ – గ్రూప్స్ విద్యార్థులకు శిక్షణ ఇచ్చే విద్యా సంస్థలు నిర్వహిస్తున్నారు. ఆర్టీసీ క్రాస్ రోడ్స్ లో స్నేహిత రెస్టారెంట్ నడుపుతున్నారు. ఇందిరాపార్కు వద్ద ఎస్.ఆర్. అసోసియేట్స్ పేరుతో లా ఫర్మ్ నిర్వహిస్తున్నారు.

సాదె రాజు గతంలోనూ, ప్రస్తుతం ఇటు పెరిక కులానికి, తాను పుట్టిన అచ్చంపేట గ్రామానికి, తనను నమ్ముకున్న ఎంతో మందికి లక్షల రూపాయల వ్యయంతో వివిధ రకాల సేవలు అందిస్తున్నారు. ఇప్పటికే దాదాపు 70 లక్షల రూపాయలతో పలు సేవా కార్యక్రమాలు నిర్వహించారు.

-       17 లక్షల రూపాయలతో తాను దత్తత తీసుకున్న అచ్చంపేట గ్రామంలోని ప్రభుత్వ పాఠశాలను ఆధునీకరించారు. మొత్తం పాఠశాలలో బెంచీలు చేయించారు. మూత్రశాలలు కట్టించారు. మినరల్ వాటర్ ప్లాంటు పెట్టించారు. స్కూల్లో ఫర్నిచర్ చేయించారు. భవనానికి పెయింటింగ్ వేయించారు.

-       22 లక్షల రూపాయలు ఖర్చు చేసి, అచ్చంపేట గ్రామంలోని ఉట్ల కోనేరు దేవాలయాన్ని పునరుద్ధరించారు. శిథిలావస్థకు చేరుకున్న గుడిని మళ్ళీ ఉపయోగంలోకి తేవడంతో పాటు అక్కడ నిత్యం పూజలు జరిగేలా ఏర్పాట్లు చేశారు. కోనేరును పునరుద్దరించారు.

-       6 లక్షల రూపాయల వ్యయంతో అచ్చంపేటలో పెరిక భవన్ లో సదుపాయాలు కల్పించారు. 200 కుర్చీలు, ఆఫీస్ ఫర్నిచర్, ఎసి, ఫ్యాన్లు, టివి ఏర్పాటు చేశారు.

-       5 లక్షల రూపాయిలు వెచ్చించి, పెరిక భవన్ పక్కనే ఉన్న 120 గజాల స్థలాన్ని కొనుగోలు చేసి, దాన్ని పెరిక భవన్ కు అందించారు. ఆ స్థలాన్ని అచ్చంపేట పెరిక భవన్ లో కార్యక్రమాలు నిర్వహించుకునే వారు వంట స్థలంగా వాడుతున్నారు.

-       తన కుటుంబ సభ్యులు, సమీప బంధువులు, మిత్రుల తరుఫున తానే ఒక్కొక్కరికి రూ.25 వేల చొప్పున చెల్లించి పెరిక విద్యార్థి వసతి గృహంలో ఇటీవలనే ధర్మకర్తలుగా చేర్పించారు.

-       పెరిక కులస్తులకు ఉచితంగా న్యాయ సాయం అందిస్తున్నారు.

-       నాగర్ కర్నూల్ జిల్లా పరిధిలోని 40 మంది నిరుపేద చెంచు పిల్లలను రాజు గారు దత్తత తీసుకున్నారు. వారిని ప్రైవేటు స్కూళ్లలో చేర్పించి, వారి కోసం ప్రతీ ఏటా 6 లక్షల రూపాయల ఫీజులు చెల్లిస్తున్నారు.

-       లింగాల ప్రభుత్వ పాఠశాలలో లక్ష రూపాయల వ్యయంతో విద్యార్థులకు యూనిఫారాలు కుట్టించారు. అదే పాఠశాలలో విద్యార్థులకు శిక్షణ ఇవ్వడానికి లక్ష రూపాయల వ్యయంతో కుట్టటు మిషన్లు ఇప్పించారు.

-       గ్రామంలోని తన మిత్రులు, ఇతరులకు తన స్వంత ఖర్చులతో హెల్త్ ఇన్సూరెన్సు చేయించారు. ఇందుకోసం ప్రతీ ఏటా 4 లక్షల 32 వేల రూపాయల ప్రీమియం కడుతున్నారు.

-       తన గ్రామంలోని  వారికి, పెరిక కులస్తులకు అడిగిందే తడవుగా సహాయకారిగా ఉంటున్నారు.

పెరిక కులం, పుట్టిన గ్రామం కోసం లక్షలాది రూపాయలు ఖర్చు చేసి ఎంతో సేవ చేస్తున్న సాదె రాజు గారిని పెరిక సంఘం పెద్దలు, పెరిక విద్యార్థి వసతి గృహం కార్యవర్గం, పెరిక పరపతి సంఘ కార్యవర్గం, పెరిక సంక్షేమ సమితి కార్యవర్గం హృదయ పూర్వక కృతజ్ఞతలు తెలిపింది. సాదె రాజు పెరిక కులానికి గుర్తింపు, గౌరవం తెస్తున్నారని అభినందించారు.