28న యాదాద్రిలో ‘పెరిక’ మహాసభ

హాజరవుతున్న అతిరథ మహారధులు

ఆహ్వాన పోస్టర్ ఆవిష్కరించిన పెరిక పెద్దలు

పవిత్ర పుణ్యక్షేత్రమైన యాదాద్రిలో జూన్ 28న ‘పెరిక మహాసభ’ నిర్వహించాలని తెలంగాణ రాష్ట్ర పెరిక సంఘం, యాదాద్రి భువనగిరి జిల్లా పెరిక సంఘం నిర్ణయించాయి. ఉదయం 8 గంటలకు యాదాద్రి లక్ష్మీనర్సింహస్వామిని దర్శనం చేసుకుని, ప్రత్యేక పూజలు నిర్వహించనున్నారు. కోకాపేటలో నిర్మిస్తున్న ఆత్మగౌరవ భవనం ఎలాంటి ఆటంకాలు లేకుండా పూర్తి కావడంతో పాటు, యాదాద్రిలో పెరిక సత్రం నిర్మాణానికి దేవుడి ఆశీస్సులను పెరిక పెద్దలు కోరనున్నారు. అనంతరం యాదాద్రిలోని పెరిక సత్రం స్థలాన్ని నాయకులు సందర్శిస్తారు. యాదగిరిగుట్టలోని లక్ష్మీ నరసింహ ఫంక్షన్ హాల్ లో మహాసభ జరుగుతుంది. 

ఈ కార్యక్రమానికి సంబంధించిన పోస్టర్ ను 2026 జూన్ 17న ఖైతరాబాద్ పెరిక విద్యార్థి వసతి గృహంలో తెలంగాణ రాష్ట్ర పెరిక కుల సంఘం అధ్యక్షుడు డాక్టర్ గటిక విజయ్ కుమార్, గౌరవ అధ్యక్షుడు మద్దా లింగయ్య, పెరిక విద్యార్థి వసతి గృహం అధ్యక్షుడు డాక్టర్ దొంగరి వెంకటేశ్వర్లు, రాష్ట్ర పెరిక కుల సంఘం ప్రధాన కార్యదర్శి దొంగరి మనోహర్ ఆవిష్కరించారు. 

యాదాద్రి భువనగిరి జిల్లా పెరిక కుల సంఘం అధ్యక్షుడు తిప్పని పరమేశ్, ప్రధాన కార్యదర్శి కోటా సుధాకర్, యాదాద్రి పెరిక  కుల సేవా సమితి ట్రస్టు అధ్యక్షుడు మాడిశెట్టి శ్రీధర్, గ్రేటర్ హైదరాబాద్ మాజీ అధ్యక్షుడు దిడ్డి బాలయ్య, యాదాద్రి భువనగిరి జిల్లా అధికార ప్రతినిథి దాచేపల్లి రాజు, ఆర్గనైజింగ్ కార్యదర్శి దాచేపల్లి కృష్ణ,  జిల్లా నాయకుడు సోమగాని అశోక్ తదితరులు పెరిక కుల పెద్దలకు ఆహ్వాన పత్రిక అందించారు. 

ఆదిలాబాద్ ఎమ్మెల్యే పాయల శంకర్ గారు, పెరిక కుల కో ఆపరేటివ్ కార్పొరేషన్ చైర్మన్ దొంగరి వెంకటేశ్వర్లు గారు, వైస్ చైర్మన్ బుడగం శ్రీనివాస్ గారు, వికలాంగుల సంస్థ చైర్మన్ ముత్తినేని వీరయ్య గారు, మాజీ ప్రభుత్వ చీఫ్ విప్ బోడకుంటి వెంకటేశ్వర్లు గారు, విప్ గంప గోవర్థన్ గారు, మీడియా అకాడమీ మాజీ చైర్మన్ అల్లం నారాయణ గారు, రాష్ట్ర పెరిక సంఘం ముఖ్య సలహాదారులు శ్రీరాం భద్రయ్య గారు, మాజీ అధ్యక్షులు దాసరి మల్లేశం గారు, శ్రీరాం దయానంద్ గారు, రాష్ట్ర పెరిక సంఘం నాయకులు, పెరిక విద్యార్ధి వసతి గృహం మేనేజింగ్ కమిటీ, కోకాపేట ఆత్మగౌరవ కమిటీ బాధ్యులు, పెరిక సంక్షేమ సమితి కార్యవర్గం, పెరిక పరపతి సంఘం కార్యవర్గం, పెరిక వివాహ వేదిక బాధ్యులు ఈ కార్యక్రమంలో ముఖ్య అతిథులుగా పాల్గొంటారు.